Back Primêre sektor van die ekonomie Afrikaans قطاع أولي Arabic İqtisadiyyatın ilkin sahəsi Azerbaijani Първичен икономически сектор Bulgarian Sector primari Catalan Primární sektor Czech Primærerhverv Danish Urproduktion German Πρωτογενής παραγωγή Greek Primary sector of the economy English
Diwydiant cynradd, neu'r sector cynradd, yw'r term a ddefnyddir gan economegwyr i ddisgrifio'r gwaith o gael deunyddiau crai o'r ddaear, e.e. trwy fwyngloddio neu ffermio. Fe'i gelwir yn ddiwydiant cynradd am fod pob sector arall mewn diwydiant ac felly'r economi cyfan yn deillio ohono yn y pen draw, yn uniongyrchol - fel yn achos diwydiant eilaidd fel cynhyrchu ceir - neu'n anuniongyrchol, fel yn achos diwydiant trydyddol (gwasanaethau, er enghraifft). Mae'n ddiwydiant cynradd hefyd yn yr ystyr ei fod wedi datblygu'n gyntaf yn hanes y ddynolryw; ar un ystyr roedd yr helwyr cynhanesyddol a ddygai gig a chroen anifeiliaid yn ôl i'w tylwyth yn enghreifftiau cyntefig o ddiwydiant cynradd.
Mae enghreifftiau o ddiwydiant cynradd yn cynnwys
- Amaeth a ffermio yn gyffredinol,
- Mwyngloddio, e.e. diwydiant llechi Cymru,
- Pysgota
